Merki Sameykis á smærri skjá

Grettisgötu 89
105 Reykjavik
Ísland

525-840
sameyki@sameyki.is
6202690-3449

Starfsþróun

Vilt þú axla ábyrgð á eigin starfsþróun? Ýmsar leiðir eru færar til að gera það.
Halda áfram

Öflug og virk starfsþróun

Mikilvægt er að geta þróað og hlúð að þeirri færni, þekkingu og viðhorfum sem þú býrð yfir, þér og vinnustaðnum til góða. Það sem gerir þig hæfari í starfi eykur starfsgleði, opnar á fleiri tækifæri og hjálpar þér að takast á við áskoranir í síbreytilegum heimi. Einnig eykur það líkur á að þú sýnir frumkvæði, nýjar hugmyndir kvikni og að þú finnir nýjar nálganir á viðfangsefnin. 

Starfsþróun er og verður alltaf samstarfsverkefni starfsmanna og stjórnenda og verður að eiga sér stað til að hægt sé að mæta auknum kröfum og umhverfi sem er í stöðugri þróun. Þú getur haft áhrif á í hvaða átt þú ferð og gert leiðina markvissari. 


Ábyrgð þín sem starfsmanns er að skilja og meta starfsumhverfið, vera meðvitaður um eigin áhugasvið, styrkleika og takmarkanir og gera raunhæfa áætlun um starfsþróun til framtíðar. Náms- og starfsráðgjafi getur hjálpað þér með þetta mat, t.d. með áhugasviðsprófi. Þú getur bókað viðtal þó að þú sért ekki að skipta um starf eða á leið í nám. Fræðslusetrið Starfsmennt, Framvegis og fræðslumiðstöðvar víða um land bjóða upp á viðtöl.

Gott er að stuðla að eigin starfsþróun með því að ræða málin í starfsmannasamtali. Ef það er ekki venjan á þínum vinnustað skaltu óska
eftir því. Í starfsmannasamtali er farið yfir:

  • Starfslýsingu
  • Samskipti og samstarf á vinnustað
  • Verkefnin framundan
  • Starfsþróun og fræðslumöguleika

Þegar þú hefur fundið nám við hæfi er næsta skref að skoða hvernig á að fjármagna það. Þú sem félagsmaður Sameykis getur sótt um fræðslutengda styrki og hér getur þú kynnt þér betur styrkina.  

Á Mínum síðum getur þú sótt um styrk og skoðað hversu mikið þú hefur nýtt þér styrkina, en yfirlett er miðað við ákveðna hámarksupphæð á tilteknu tímabili.

Huga þarf að því þegar farið er í nám að búa til rými fyrir námið innan tímarammans sem manni er skammtaður. Þetta á bæði við vinnutíma og frítíma en algengt er að fólk stundi nám með vinnu sem skapar álag á fjölskyldu og á vinnustaðnum. Í mörgum kjarasamningum má finna ákvæði um launað námsleyfi sem er um að gera að kynna sér og ræða við stjórnanda á þínum vinnustað um mögulegar útfærslur. Heimildin er til staðar í kjarasamningum en semja þarf um það við stjórnanda hvernig og hvenær launað námsleyfi er nýtt.

Möguleikar á launuðu námsleyfi samkvæmt kjarasamningum:

Úrval formlegra námsbrauta er sífellt að aukast og alls kyns nám og námskeið í boði út um allt land. Að sama skapi fjölgar þeim starfsgreinum þar sem hægt er að stytta sér leið með því að fara í raunfærnimat þar sem fyrra nám og reynsla er metið. Spurningin er, hver þín staða er og hvert þú stefnir. Viltu sækja þér nám á framhaldsskólastigi, auka við tölvufærni, fara í háskólabrú eða í háskólanám? Kannaðu hvað er í boði.

Hér er dæmi um nokkra vefi sem opna ýmis tækifæri:

 

Ávinningur vinnustaðar af því að hlúa að starfsþróun sinna starfsmanna er mikill. Þar má meðal annars nefna minni starfsmannaveltu og ánægðari starfsmenn sem eru tilbúnir til að leggja meira á sig en ella. Einnig kemur starfsþróun í veg fyrir stöðnun og kulnun í starfi og stuðlar að frumkvæði. Vinnustaður þar sem virk starfsþróunaráætlun er til staðar skapar umhverfi sem stuðlar að faglegri þróun starfsmanna og auknum árangri.

Stjórnandi á vinnustað getur sótt um styrk vegna starfsþróunarverkefna fyrir félagsmenn Sameykis. Um er að ræða þrjá mismunandi sjóði sem samið hefur verið um í mismunandi kjarasamningum.

  • Mannauðssjóður er fyrir Akraneskaupstað, Dvalarheimilið Höfða, Innheimtustofnun sveitarfélaga, Slökkviðlið höfuðborgarsvæðisins og Seltjarnarneskaupstað. Sjá nánar
  • Starfsmenntunar- og starfsþróunarsjóður er fyrir Akraneskaupstað, Faxaflóahafnir, Félagsbústaði, Innheimtustofnun sveitarfélaga, Orkuveitu Reykjavíkur, Reykjavíkurborg, Slökkvilið höfuðborgarsvæðisins, Strætó og Seltjarnarneskaupstað.
  • Þróunar- og símenntunarsjóður er fyrir Ás styrktarfélag, Fríhöfn, Isavia, Matís, Rarik, ríkisstofnanir, SÁÁ, SFV, sjálfseignastofnanir, Skálatún og sveitarfélög.

Þá geta forsvarsmenn vinnustaðar þíns leitað til Starfsmenntar sem veitir stofnunum fjölbreytta þjónustu til að greiða leið lærdóms á vinnustað og efla mannauð stofnana. Hægt er að sérsníða námsleiðir, fá mannauðsráðgjafa að láni og panta farandfyrirlestra um fjölbreytt viðfangsefni. Þjónustan er án endurgjalds fyrir alla félagsmenn Sameykis, sem áður tilheyrðu SFR, óháð vinnustað. Einnig fyrir þá félagsmenn Sameykis sem áður tilheyrðu St.Rv. og eru ríkisstarfsmenn sem og þeir sem eru starfsmenn Akranesskaupstaðar, Seltjarnarness, Dvalarheimilisins Höfða, Innheimtustofnunar sveitarfélaga og Slökkviliðs höfuðborgarsvæðisins.

Allar nánari upplýsingar eru veittar á skrifstofu Starfsmenntar í síma 550-0060.

Þetta vefsvæði notar vafrakökur

Þessi vefur notar vafrakökur til að tryggja eðlilega virkni og notendaupplifun. Með því að nota hann samþykkir þú notkun þeirra. (Þessi tilkynning birtist vegna nýrra persónuverndarlaga.)