Merki Sameykis á smærri skjá

Grettisgötu 89
105 Reykjavik
Ísland

525-840
sameyki@sameyki.is
6202690-3449

12. september 2019

Ólíðandi hægagangur

Trúnaðarmannaráði Sameykis er fullkomlega misboðið að samningsaðilar skuli bjóða upp á ólíðandi hægaganga í yfirstandandi viðræðum og sendi frá sér eftirfarandi ályktun á fundi ráðsins í gær.

Ályktun Trúnaðarmannaráðs Sameykis 11. september 2019
Kjarasamningsviðræður milli samninganefnda Sameykis og samninganefnda ríkisins, Reykjavíkurborgar og Sambands íslenskra sveitarfélaga hafa staðið yfir meira og minna í hálft ár. Sýnilegur árangur af þeim viðræðum er enginn og telur ráðið óverjandi að halda viðræðunum áfram á þessum nótum.

Trúnaðarmannaráði Sameykis er fullkomlega misboðið að ríki, Reykjavíkurborg og Samband íslenskra sveitarfélaga skuli bjóða félagsmönnum upp á hægagang af þessu tagi í eins mikilvægu verkefni og kjarasamningar eru. 

Trúnaðarmannaráð minnir á að fyrir sumarorlof var viðræðuáætlun milli aðila framlengd. Í henni kom fram að friðarskylda skyldi standa til 15. september og þá með þeim ásetningi að klára samninga fyrir þann tíma. Nú er nokkuð ljóst að það mun ekki takast og samningaviðræðurnar eru í algjörum ólestri.

Trúnaðarmannaráð skorar á samninganefnd Sameykis að hugsa samningsviðræðurnar upp á nýtt ef ekkert markvert kemur fram í viðræðunum á næstu dögum.

  • Fréttamyd
  • Fréttamyd
  • Fréttamyd
  • Fréttamyd
  • Fréttamyd
  • Fréttamyd
  • Fréttamyd
  • Fréttamyd
  • Fréttamyd
  • Fréttamyd

Þetta vefsvæði notar vafrakökur

Þessi vefur notar vafrakökur til að tryggja eðlilega virkni og notendaupplifun. Með því að nota hann samþykkir þú notkun þeirra. (Þessi tilkynning birtist vegna nýrra persónuverndarlaga.)