Merki Sameykis á smærri skjá

Grettisgötu 89
105 Reykjavik
Ísland

525-840
sameyki@sameyki.is
6202690-3449

Starfsendurhæfing VIRK

Þjónusta VIRK er fyrir einstaklinga sem búa við skerta starfsgetu vegna heilsubrests og stefna að aukinni þátttöku á vinnumarkaði. Tilgangur þjónustu VIRK er að aðstoða fólk við að komast aftur í vinnu.
Halda áfram

Þjónusta VIRK

Er fyrir einstaklinga sem búa við skerta starfsgetu vegna heilsubrests og stefna að aukinni þátttöku á vinnumarkaði. Tilgangur þjónustu VIRK er að aðstoða fólk við að komast aftur í vinnu. Um er að ræða markvissa ráðgjöf sem snýr að starfsendurhæfingu og krefst fullrar þátttöku viðkomandi einstaklings. Þjónustan er ferli sem felur í sér greiningu á stöðu og möguleikum eftir verkferlum VIRK.

Skilyrði fyrir þjónustu frá VIRK

  • Að viðkomandi geti ekki sinnt starfi sínu eða tekið þátt á vinnumarkaði vegna hindrana af völdum heilsubrests sem rekja má til veikinda eða slysa. Um er að ræða fjarvistir frá vinnu í lengri tíma vegna heilsubrests af andlegum eða líkamlegum toga.
  • Að markmið einstaklings sé að verða aftur virkur þátttakandi á vinnumarkaði, eða auka þátttöku á vinnumarkaði, svo fljótt sem verða má.
  • Geta og vilji sé til staðar til að taka markvissan þátt í starfsendurhæfingunni. Viðkomandi þarf að vera fær um að axla ábyrgð á eigin lífi, geta tekið þátt í athöfnum daglegs lífs og sinnt nauðsynlegum þáttum endurhæfingar/starfsendurhæfingar.
  • Þjónustan sé líkleg til árangurs á þeim tíma sem hún er veitt.
  • Samráð sé við viðeigandi aðila, s.s. heimilislækni, meðferðaraðila og atvinnurekanda þegar við á.
  • Sjá nánar um þjónustuna hér á vef VIRK

Hvernig óska á eftir þjónustu VIRK?

Þjónusta VIRK er einstaklingum að mestu að kostnaðarlausu.
Hér má lesa nánar um hvernig er óskað eftir þjónustu VIRK.

 

Ráðgjafar VIRK og þjónusta sem þeir geta veitt

Í BSRB húsinu starfa fjórir ráðgjafar sem þjónusta félagsmenn Sameykis en einnig eru starfandi ráðgjafar hringinn í kringum landið. Hér má nálgast lista yfir ráðgjafa.

Fljótlega eftir að einstaklingur hefur þjónustu hjá VIRK er mál hans tekið fyrir af þverfaglegu teymi til að tryggja sem besta þjónustu. Í framhaldi er sett upp einstaklingsmiðuð áætlun til starfsendurhæfingar. Í þverfaglegu teymi starfa m.a. læknar, sjúkraþjálfarar, sálfræðingar, iðjuþjálfar og félagsráðgjafar allt eftir þörfum hvers og eins.

Þjónustan getur meðal annars falið í sér leiðbeiningar um réttindi, hvatningu, aðstoð og eftirfylgni, tengingu og samvinnu sérfræðinga ásamt samstarfi milli starfsmanns og atvinnurekanda.

 

Er brjálað að gera?

Kíktu á www.velvirk.is sem er hluti af forvarnarverkefni VIRK Starfsendurhæfingarsjóðs helgaður því að vinna saman að jafnvægi í lífinu og vellíðan í vinnu til að sporna gegn brotthvarfi af vinnumarkaði venga heilsubrests. 

Þetta vefsvæði notar vafrakökur

Þessi vefur notar vafrakökur til að tryggja eðlilega virkni og notendaupplifun. Með því að nota hann samþykkir þú notkun þeirra. (Þessi tilkynning birtist vegna nýrra persónuverndarlaga.)