Grettisgötu 89
105 Reykjavik
Ísland

525-8330
sameyki@sameyki.is
6202690-3449

Styrktar- og sjúkrasjóður Sameykis

Fyrir þá sem starfa hjá Ás styrktarfélagi, Fríhöfn, Isavia, Klettabæ, Matís, Rarik, Ríkisstofnunum, RÚV, SÁÁ, SFV*, sjálfseignastofnununum**, Skálatúni og Vinakoti.

* SFV: Ás hjúkrunarheimili, Eir, Grund, Hömrum, HNLFÍ, Hrafnistu Hafnarfirði, Hrafnistu Kópavogi, Hrafnistu Reykjavík, Hrafnistu Hlévangi, Hrafnistu Nesvöllum, Krabbameinsfélaginu, Mörk, Sjálfsbjargarheimilinu, Skjóli, Skógarbæ og Vigdísarholti (Sunnuhlíð).

 ** Sjálfseignarstofnanir: Bændasamtök, Búnaðarsambönd, Dansmennt, Fjölmenningarsetur, Fjölmennt, Gigtarfélag, Heilsustofnun NLFÍ, Kirkjugardar Reykjavíkurprófastdæma, Lífeyrissjóður starfsmanna ríkisins, Listaháskóli Íslands, MS félagið, Norræna húsið, Reykjalundur, Staðlaráð Íslands, Styrktarfélag lamaðra og fatlaðra, Tækniskólinn og Viðlagatrygging.

  • Augnaðgerðir og gleraugnakaup
  • Dánarbætur
  • Fæðingarstyrkir
  • Hjartavernd
  • Heilsustofnun, dvöl
  • Heyrnartæki
  • Hættu að reykja námskeið
  • Krabbameinsleit
  • Líkamsrækt
  • Sálfræði, fjölskyldu og félagsráðgjöf
  • Sérstakar aðstæður
  • Sjúkraþjálfun, sjúkranudd, hnykklækningar
  • Sjúkradagpeningar
  • Tannlæknakostnaður
  • Tæknifrjóvgun
Til að sækja um styrki ferð þú inn á Mínar síður og þar birtast þeir styrkir sem þú átt rétt á að sækja um.

Markmiðið með Styrktar- og sjúkrasjóð Sameykis er að veita félagsmönnum fjárhagsaðstoð í veikinda- og slysatilvikum, að styðja og efla félagsmenn vegna endurhæfingar eftir slys eða sjúkdóma og að styðja og efla félagsmenn í forvörnum og fyrirbyggjandi aðgerðum sem snerta öryggi, heilsufar og heilbrigði starfsmanna.

Reglur Styrktar- og sjúkrasjóðs

1. gr. Nafn sjóðsins

Sjóðurinn heitir Styrktar- og sjúkrasjóður Sameykis. Sjóðurinn er í eigu Sameykis stéttarfélags í almannaþjónustu. Heimili hans og varnarþing er í Reykjavík.

2. gr. Tilgangur sjóðsins

Tilgangur sjóðsins er:
a. Að veita sjóðsfélögum fjárhagsaðstoð í veikinda- og slysatilvikum.
b. Að styðja og efla sjóðsfélaga vegna endurhæfingar eftir slys eða sjúkdóma.
c. Að styðja og efla sjóðsfélaga í forvörnum og fyrirbyggjandi aðgerðum sem snerta öryggi, heilsufar og heilbrigði starfsmanna.

Ofangreindum markmiðum skal sjóðsstjórn ná eftir getu sjóðsins á hverjum tíma. Styrkhæfir eru þeir sem eru fullgildir félagar í Sameyki og greitt hafa tilskilin gjöld til félagsins í a.m.k. 3 mánuði áður en styrkveiting fer fram.

3. gr. Tekjur sjóðsins

Tekjur sjóðsins eru:
a.Samningsbundin gjöld atvinnurekenda til sjóðsins.
b.Vaxtatekjur.
c.Framlag úr félagssjóði ákveðið á aðalfundi.
d.Gjafir og áheit.

4. gr. Greiðslur úr sjóðnum

Félagsmenn sem sækja til sjóðsins skulu senda stjórn sjóðsins umsókn. Greiðsla úr sjóðnum getur ekki átt sér stað nema að reglum um úthlutun sé fullnægt.

5. gr. Stjórn sjóðsins

Stjórn sjóðsins skipa fimm fulltrúar kosnir á aðalfundi til þriggja ára í senn ásamt einum fulltrúa tilnefndum úr stjórn Sameykis. Formaður skal kjörinn af sjóðsstjórn. Stjórn sjóðsins skal halda gerðarbók yfir úthlutanir, svo og annað sem varðar starf hennar. Stjórn sjóðsins setur úthlutunarreglur í samræmi við tilgang sjóðsins og ákveður upphæð styrkja.

Stjórnin skal leggja úthlutunarreglurnar fyrir stjórn félagsins til samþykktar.

Stjórnarmönnum er ekki heimilt að sitja samfellt í stjórn lengur en þrjú kjörtímabil (9 ár).

6. gr. Rekstur sjóðsins og ávöxtun

Skrifstofa Sameykis sér um daglegan rekstur sjóðsins í umboði stjórnar hans. Fé sjóðsins skal ávaxta á sem tryggastan hátt.

7. gr. Ársreikningur og endurskoðun

Ársreikning sjóðsins skal birta með reikningum Sameykis og hann endurskoðaður með sama hætti og félagssjóður. Ársreikninginn skal leggja fram og afgreiða á aðalfundi með öðrum reikningum félagsins. Skýrsla yfir starfsemi sjóðsins skal fylgja skýrslu stjórnar Sameykis.

8. gr. Breytingar á reglum sjóðsins

Reglum þessum má aðeins breyta á aðalfundi Sameykis og fer með þær breytingar eins og um lagabreytingar væri að ræða.

 

Samþykktar á aðalfundi Sameykis 2020.

 

Stjórn sjóðsins er skipuð 6 fulltrúm, 5 sem kosnir eru á aðalfundi til þriggja ára í senn og einum tilnefndum úr stjórn Sameykis. Stjórn sjóðsins heldur öllu jafna fund einu sinni í mánuði, nema í júlí, ásamt fulltrúa frá skrifstofu Sameykis. Þar er fjallað um þær umsóknir sem borist hafa hverju sinni. Stjórn styrktar- og sjúkrasjóðs setur sér úthlutunarreglur á hverjum tíma sem miðast við þarfir umsækjenda og ráðstöfunarfé sjóðsins.

Stjórn sjóðsins 2021-2024

Jóhanna Lára Óttarsdóttir frá Sýslumannsembætti formaður
Pálmey H Gísladóttir frá Greiningarstöð ríkisins ritari.
Erlingur Arthursson frá HNLFÍ
Katrín Kristín Hallgrímsdóttir frá Hólabrekkuskóla
Ómar Árnason frá Tækniskólanum
Pétur Ásbjörnsson frá Landspítala

Þetta vefsvæði notar vafrakökur

Þessi vefur notar vafrakökur til að tryggja eðlilega virkni og notendaupplifun. Með því að nota hann samþykkir þú notkun þeirra. (Þessi tilkynning birtist vegna nýrra persónuverndarlaga.)