18. mars 2014
Samningur St.Rv. og Reykjavíkurborgar felldur
Kjarasamningur St.Rv. og Reykjavíkurborgar sem undirritaður var 9. mars síðastliðinn var felldur með 217 atkvæðum eða 50,6% á móti 208 atkvæðum eða 48,5%. Á kjörskrá voru 3349 en 429 greiddu atkvæði eða 12.8%.
Nú stendur yfir atkvæðagreiðsla um kjarasamning SFR við Reykjavíkurborg sem er í raun sams konar samningur og sá sem nú hefur verið felldur. Niðurstöður atkvæðagreiðslunnar um samning SFR og Reykjavíkurborgar munu liggja fyrir síðdegis á morgun miðvikudag.