4. september 2017
Líf og fjör í Munaðarnesi
Ný leiktæki hafa verið sett upp á leiksvæðinu í Munaðarnesi. Þar eru nú bæði aparóla og trampólín fyrir börn á öllum aldri auk minigolfsins og fótboltavallarins sem fyrir voru. Þá hafa einnig verið ráðnir nýir rekstaraðilar að Þjónustumiðstöðinni í Munaðarnesi. Það eru þau Ólafur Haukur Ólafsson matreiðslumeistari og Elín Arna Arnarsdóttir Hannam, sem bæði eru alvön slíkum rekstri. Þau munu taka yfir þjónustuna við félögin sem eiga hús á svæðinu og í vetur munu þau einnig taka vel á móti stórum og smáum hópum í mat og ráðstefnuhald. Allar upplýsingar má fá hjá þeim Ólafi Hauki og Elínu Örnu í síma 776-8008 eða í netfangið munadarnes.resturant@gmail.com. Því má bæta við að opið er fyrir bókanir í orlofshús SFR fjóra mánuði fram í tímann eða fram til 2. janúar og nú í haust eru enn nokkrar helgar lausir í húsunum okkar í Munaðarnesinu.