31. janúar 2018
Morgunverðarfundir leggja land undir fót
Góð stemning og kröftugar umræður voru á morgunverðarfundi SFR um samstarf SFR og St.Rv. sem haldinn var á Akranesi í gær. Fundurinn var sá fyrsti sem haldinn er utan Reykjavíkur en næstu vikurnar verða fundir á Egilsstöðum, Ísafirði, Akureyri, Selfossi, Reykjanesbæ og Sauðárkróki. Nákvæma tímasetningu má finna undir viðburðum á heimasíðunni.
Boðið er á morgunverðarfundina samkvæmt slembiúrtaki úr félagatali SFR en allir sem hafa áhuga á að taka þátt í umræðunni og koma skoðunum sínum á framfæri eru velkomnir.
Til að skrá sig á fund má senda póst á sfr@sfr.is eða hringja á skrifstofuna í síma 525-8340.