Trúnaðarmannafræðsla Geðheilbrigðir trúnaðarmenn - Vinnustofa

Skráning

Með vinnustofunni Geðheilbrigðir trúnaðarmenn er markmiðið að byggja upp færni og sjálfstraust meðal trúnaðarmanna til að taka þátt í innihaldsríkum samtölum um geðheilbrigði á vinnustað sínum. Áhersla er lögð á þátt þátttakenda í að stuðla að opinskárri umræðu um geðheilbrigði á vinnustaðnum og gera þau fær í að hvetja til umræðna sem einkennast af samkennd og skilningi.

Þátttakendur á vinnustofu munu öðlast innsýn í einkenni og birtingarmyndir geðvanda, öðlast færni til að bera kennsl á, bregðast við á viðeigandi hátt með forvarnir að leiðarljósi og hlúa að eigin geðheilbrigði og þeirra sem í kringum þau eru.

Í samræmi við leiðbeinandi viðmið Alþjóðaheilbrigðismálastofnunarinnar (WHO) um geðheilbrigði á vinnustað (2022), tekur vinnustofan á gagnreyndum leiðbeiningum stofnunarinnar til að efla geðheilbrigði, auka forvarnir og stuðla að velmegun þess starfsfólks sem stendur frammi fyrir geðheilbrigðisáskorunum á vinnustað.

Hæfniviðmið

• Að fræðast um geðheilbrigði og andleg veikindi.
• Að ræða og skoða persónuleg og kerfislæg viðhorf, mýtur og tungutak sem tengjast geðheilbrigði á vinnustað
• Að þekkja og geta borið kennsl á merki um neikvæða geðheilsu og streitu á vinnustað
• Að geta tekist á við sameiginlega og samfélagslega ábyrgð í hlutverki trúnaðarmanna í geðheilbrigði á vinnustað
• Að huga að hlutverki trúnaðarmanna við að hlúa á uppbyggilegan hátt að geðheilsu samhliða hlutverki sínu sem trúnaðarmenn
• Að geta greint og læri að nýta sér nauðsynlega færni fyrir samtöl um líðan og geðheilbrigði við samstarfsfólk
• Að þekkja til og skilji úrræði til stuðnings og inngripa fyrir starfsfólk