Umhverfis og loftlagsnefnd Sameykis stendur fyrir fjölskyldu og gróðursetningarferð í „Landnemareit“ Sameykis í Heiðmörk laugardaginn 8. júní kl. 11.
Gott er að leggja bíl á svokölluðu Borgarstjóraplani, en þaðan er rúmlega 600 metra löng ganga í lundinn. Leiðin verður vel merkt með flöggum Sameykis. Nýtt skilti verður afhjúpað og fólki býðst að gróðursetja plöntur í reitnum. En hugmyndin er að njóta samveru í fallegu umhverfi. Boðið verður upp á samlokur, drykki o.fl.
Skráning er á viðburðinn til að hægt sé að áætla veitingar. Síðasti séns að skrá sig á viðburðinn til að geta þegið veitingar er föstudagurinn 7. júní kl. 10.