Fræðsla trúnaðarmanna
Hlutverk trúnaðarmanna er margþætt og er fjölbreytt fræðsla grunnur að því að trúnaðarmaður geti tekist á við hlutverk sitt.
Flýtileiðir
Fræðslutækifæri trúnaðarmanna
Trúnaðarmenn gegna lykilhlutverki á vinnustöðum Sameykis. Til að þeir geti sinnt hlutverki sínu af öryggi og fagmennsku býður félagið upp á fjölbreytta fræðslu, í samstarfi við Starfsmennt og Félagsmálaskóla alþýðu. Smelltu á tenglana hér að neðan til að fá upplýsingar um námskeið framundan.
Starfsmennt
Fræðslutækifæri trúnaðarmanna í samstarfi við Starfsmennt eru öllu jafna 2- 3 klukkustundir þar sem ýmist er kennt í staðnámi eða fjarnámi. Staðnámið fer fram í BSRB húsinu á Grettisgötu 89. Fjarnámið fer fram á ákveðnum tíma þar sem nemendur og kennari skrá sig ýmist inn á Teams eða Zoom í rauntíma.
Félagsmálaskóli
Fræðslutækifæri trúnaðarmanna í samstarfi við Félagsmálaskóla alþýðu eru öllu jafna 1- 3 klukkustundir þar sem ýmist er kennt í fjarnámi eða vefnámi. Fjarnámið fer fram á ákveðnum tíma þar sem nemendur og kennari skrá sig inn á Zoom í rauntíma. Í vefnáminu skráir trúnaðarmaður sig inn í rafrænt námsumhverfi Félagsmálaskólans, LearnCove, og fær aðgang að námsgögnum og kennsluefni í skilgreindan tíma, oftast í hálfan eða heilan mánuð. Horft er á myndbönd, texti lesinn, gagnvirk verkefni unnin allt á þeim tíma sem viðkomandi hentar best.
Kynntu þér málið