Nýr orlofskostur bætist við á Spáni

Sameyki býður félagsfólki sínu nýjan orlofskost á Spáni. Um er að ræða glæsilega íbúð á jarðhæð í fallegu umhverfi. Íbúðin skiptist í eldhús, tvö baðherbergi, þrjú svefnherbergi og stofu sem er með svefnsófa. Svefnrými er fyrir allt að átta gesti í íbúðinni. Útgengt er frá íbúð á verönd og fylgir glæsilegur garður með sólbaðsaðstöðu og stórri sundlaug sem hönnuð er fyrir alla aldurshópa. Íbúðin er staðsett í Quesada á Hvítu ströndinni á Spáni í fögru og snyrtilegu umhverfi sem er þekkt fyrir rólegheit. Í hverfinu eru stutt í alla þjónustu og samgöngur í kring eru auðveldar og öruggar.

Í íbúðinni er stór stofa með opnu eldhúsi og þremur svefnherbergjum, tveimur baðherbergjum með sturtum. Einkabílastæði tilheyrir íbúðinni. Gestir hafa aðgang að sundlaugargarði í sameign. Allur nauðsynlegur borðbúnaður er í íbúðinni, eldhústæki, hárþurrkur, þvottavél, sjónvarp og allur rúmfatnaður sem þarf. Þá eru handklæði, tuskur og viskastykki sem fylgja.

Gistimöguleikar eru fyrir allt að 8 manns eins og áður sagði. Útdraganlegur svefnsófi er í stofunni og hægt er að óska eftir barnaferðarúmi. Í svefnherbergjunum eru rúm í stærðinni 150x190. Allur búnaður er miðaður við hámarksfjölda gesta. 

Opnað verður fyrir bókanir á Orlofshúsavef Sameykis föstudaginn 26. janúar 2024 kl. 16:00. Eignin birtist á Orlofshúsavefnum þegar opnað verður fyrir bókanir.