Barnabætur á Íslandi - morgunverðarfundur 4. des.

BSRB býður til morgunverðarfundar miðvikudaginn 4. desember þar sem fjallað verður um barnabótakerfið á Íslandi og mögulegar leiðir til úrbóta. Á fundinum mun Kolbeinn Stefánsson doktor í félagsfræði kynna nýja skýrslu um barnabótakerfið á Íslandi og samanburð við hin Norðurlöndin.

Kolbeinn Stefánsson, doktor í félagsfræði, mun kynna nýja skýrslu um barnabótakerfið á Íslandi sem hann vann fyrir BSRB á morgunverðarfundi miðvikudaginn 4. desember næstkomandi.
Fundurinn verður haldinn í Hvammi á Grand hótel. Boðið verður upp á morgunverð frá klukkan 8 en fundurinn hefst klukkan 8:30 og lýkur ekki seinna en klukkan 10. Aðgangur að fundinum er ókeypis.

Sonja Ýr Þorbergsdóttir, formaður BSRB, mun opna fundinn með stuttu ávarpi áður en Kolbeinn kynnir niðurstöður skýrslunnar. Að kynningu lokinni verða umræður um efni hennar.
Fundarstjóri verður Magnús Már Guðmundsson, framkvæmdastjóri BSRB.

Dagskrá:
08:00 - 08:30 Morgunverður
08:30 - 08:40 Opnunarávarp formanns BSRB
08:40 - 09:25 Kynning á skýrslu Kolbeins Stefánssonar
09:25 - 10:00 Umræður