Blússandi gangur í atkvæðagreiðslu um verkfall

Atkvæðagreiðslan um boðun verkfalls fór afar vel af stað í morgun, á fyrsta klukkutímanum voru 600 manns búnir að kjósa, og nú um hádegið voru 20% búnir að greiða atkvæði. Í morgun hófst atkvæðagreiðsla um boðun verfalla hjá öllum aðildarfélögum BSRB. Alls eru um 18000 manns sem verkfallsboðunin nær til, 8000 þeirra eru hjá Sameyki stéttarfélagi. Opnuð hefur verið ítarleg upplýsingasíða á íslensku og ensku og er félagsfólk hvatt til að kynna sér hana og greiða atkvæði. Atkvæðagreiðslunni lýkur kl. 20:00 miðvikudaginn 19. feb. 2020.

Á upplýsingasíðunni er fyrirspurnarform en einnig er hægt að hafa samband við skrifstofu til að fá upplýsingar og aðstoð í gegnum sameyki@sameyki.is, sími 525 8330