Kynning kjarasamninga

Nú er verið að skipuleggja kynningu fyrir félagsmenn á kjarasamningum við ríki, Reykjavíkurborg og Samband íslenskra sveitarfélaga. Þar setur COVID-19 okkur í óvenjulega stöðu þar sem m.a. hefur verið óskað eftir því að heilbrigðisstarfsfólk forðist fjöldasamkomur, en þar á meðal eru einmitt margir félagsmenn Sameykis. Þess vegna hefur verið tekin sú ákvörðun að bjóða upp á „beina útsendingu“ frá kynningu hvers samnings. Kynningin verður sem sagt í gegnum netið og hægt verður að senda fyrirspurnir á meðan á kynningunni stendur. 

Búið er að skipuleggja eftirfarandi kynningar:

• Reykjavíkurborg „bein útsending“:
  • mánudagur 16. mars kl. 16:30-17:30 og
  • miðvikudagur 18. mars kl. 8:30-9:30
• Ríkið „bein útsending“:
  • miðvikudagur 18. mars kl. 16:00-17:00
  • fimmtudagur 19. mars kl. 9:00-10:00
• Samband íslenskra sveitarfélaga „bein útsending“:
  • þriðjudagur 17. mars kl. 16:30-17:30

Atkvæðagreiðsla verður auglýst nánar síðar en henni þarf að vera lokið vegna samninga við:

• Samband íslenskra sveitarfélaga mánudaginn 23. mars
• Reykjavíkurborg miðvikudaginn 25. mars
• Ríkið þriðjudaginn 31. mars