Fræðsla í vefheimum – laust á spænskunámskeið

Í samstarfi við fræðslumiðstöðvar víða um land erum við að vinna að því að bjóða upp á fyrirlestra og námskeið á vefnum. Sameyki hefur boðið félagsfólki að sækja fyrirlestra og námskeið þeim að kostnaðarlausu undir heitinu Gott að vita. Nú er kjörið tækifæri til að nýta ástandið í þjóðfélaginu, sækja sér meiri þekkingu og auka hæfni sína. Þegar eru komin námskeið á Norðurlandi eystra og Norðurlandi vestra og verið að skipuleggja námskeið á Vestfjörðum. Þá er Framvegis að vinna að því að setja upp fyrirlestra á vefnum sem opnir verða öllum í Sameyki.

Spænskunámskeiðið sem var búið að aflýsa verður haldið og nokkur pláss hafa losnað á það, skráning hér á vef Framvegis.

Allar upplýsingar um fyrirlestra verður hægt að finna á slóðinni: www.sameyki.is/fraedsla/gott-ad-vita-namskeid/