Betri vinnutími

Kjara- og mannauðssýsla ríkisins hefur gefið út kynningarsíðu um styttingu vinnutímans. Síðan heitir betrivinnutími.is og þar er farið yfir mögulegar útfærslur á styttingu vinnutíma dagvinnumanna sem verða útfærðar á hverri stofnun fyrir sig og þær breytingar sem verða á vinnufyrirkomulagi vaktavinnumanna. Útfærslan á styttingu vinnutíma verður með ólíkum hætti eftir því hvort fólk vinnur í hefðbundinni dagvinnu eða vaktavinnu og því hvetjum við félagsfólk okkar til að kynna sér málið, en þar er reynt að svara helstu spurningum og veita leiðbeiningar um framkvæmd breytinganna sem eiga að leiða til betri vinnutíma.

Á síðunni er einnig að finna svokallaðan vaktareikni sem hægt er að nota til þess að fá betri mynd af því hvaða breytingar nýtt vinnufyrirkomulag getur haft á kjör vaktavinnufólks.