Opnað fyrir bókanir á Spáni

Ákveðið hefur verið að opna aftur fyrir bókanir á íbúðunum okkar á Spáni. Leigutíminn er frá og með 1. september og opið verður fyrir bókanir 6 mánuði fram í tímann eins og verið hefur, þ.e. til febrúarloka. Félagið á þrjár eignir á Spáni, allar í nágrenni við Alicante. Tvær íbúðir í fjölbýlishúsi við Los Arenales de Sol ströndina og húsið í Quesada. Íbúðirnar/húsin eru leigð í viku í senn að jafnaði, en yfir vetrartíma verður gefinn kostur á að leigja þær í allt að tvær vikur. Sumrum og páskum er hins vegar úthlutað og sækja þarf um þegar úthlutun er auglýst.