Náms- og starfsráðgjöf hjá Starfsmennt

Sameyki vill vekja athygli félagsfólks á því að hægt er að panta viðtal hjá náms- og starfsráðgjafa Starfsmennt. Þessi þjónusta er á sviði símenntunar og starfsþróunar og nýtist öllum, óháð aldri eða stöðu. Markmið þjónustunnar er að efla vitund einstaklinga um styrkleika sína, viðhorf og áhuga þannig að þeir geti notið sín í námi og starfi.

Ráðgjafar Starfsmenntar bjóða öllum félagsmönnum Sameykis upp á náms- og starfsráðgjöf þeim að kostnaðarlausu. Því liggur beinast við að spyrja hvort þú viljir þiggja að ...

•    þróa hæfni þína í starfi?

•    ræða líðan þína í vinnunni?

•    skoða möguleika og fá upplýsingar um nám?

•    fá aðstoð við að setja þér markmið?

•    fá stuðning við að mæta nýjum áskorunum?

•    fá stuðning við að takast á við breytingar?

Hægt er að koma og hitta ráðgjafa á skrifstofu Starfsmenntar eða óska eftir fjarfundi á Teams eða Zoom. Skráðu þig hér og þá verður haft samband og fundinn tími fyrir viðtal sem hentar þér.