11. mars 2021
Félagar Sameykis vilja funda
![Félagar Sameykis vilja funda - mynd](/library/Myndir/Frettamyndir/2021/Fundarfer%c3%b0%20me%c3%b0%20H%c3%b6fu%c3%b0borgarsv%c3%a6%c3%b0i%c3%b0%20Reykjanes%20vef.jpg?proc=frontPage)
Sameyki heldur félagafundi á höfuðborgarsvæðinu og Reykjanesi
Færri komast að en vilja á fyrsta félagafundinn með Sameyki á höfuðborgarsvæðinu og Reykjanesi sem haldinn er í gegnum fjarfundarbúnað, því fullbókað er á fyrsta fundinn sem haldinn verður 17. mars nk. Enn er hægt að bóka sig á fundi dagana 18., og 19. mars.
Til stendur að fjölga fundum ef eftirspurn fer fram úr vonum á þessu svæði en Sameyki hefur nú fundað með félögum þess um landið sem mælst hefur vel fyrir. Umræður hafa skapast um orlofsmál, kjaramál og fræðslumál á fundunum og á vinnustöðunum. Margt er í boði fyrir félagsmenn hjá Sameyki á þessum sviðum og ánægjulegt er að sjá áhugann fyrir þessum fundum.