18. júní 2021
Ekki er hægt að hlaða rafmagnsbíla í orlofshúsum Sameykis
Sameyki vill vekja athygli félagsmanna sinna á því að ekki er gert ráð fyrir að hægt sé að hlaða rafmagnsbíla með því að stinga þeim í samband við rafmagn inn um glugga orlofshúsanna.
Af því getur skapast ýmiss hætta eins og eldhætta. Enn sem komið er þurfa eigendur rafmagnsbíla að fara á uppbyggðar hleðslustöðvar til að hlaða bíla sína rafmagni.
Félagið stefnir að því að útbúa hleðslustæði við bústaði eða á sameiginlegum bílastæðum orlofshúsabyggða Sameykis í framtíðinni.
Hér er hægt að sjá í hlekkjunum hér fyrir neðan hleðslustöðvar í landshlutum og næsta nágrenni sumarhúsa Sameykis um land allt.