Kröfugerð rædd á fulltrúaráðsfundi Sameykis

Í dag var haldinn fundur Fulltrúaráðs Sameykis. Þar kynnti formaður Sameykis, Þórarinn Eyfjörð, fyrir fulltrúum félagsins væntanlega kröfugerð vegna komandi kjarasamninga sem losna í lok október og í desember á þessu ári, en það eru kjarasamningarnir við opinber hlutafélögin.

65 fulltrúar Sameykis mættu á fundinn sem haldinn var með fjarfundarformi að þessu sinni. Fulltrúarnir ræddu og skiptust á skoðunum um kröfugerðina og einstaka hluta hennar, orðalag og skilning. Kröfugerðirnar fara nú til lokavinnslu hjá hverri og einni samninganefnd áður en þær verða lagðar fyrir atvinnurekendur.

Morgunverðarfundir hafa verið haldnir með félagsfólki í Sameyki frá byrjun september um land allt. Síðasti morgunverðafundurinn verður haldinn í lok október. Eru þeir haldnir til að félagsfólk í Sameyki hafi möguleika á að koma sínum hugmyndum, kröfum um áherslur, og móta áfram kjarasamningsgerðina fyrir næstu kjarasamninga.

Áður hafði Trúnaðamannaráð Sameykis mótað drögin að þessum kröfugerðum á fundi sem haldinn var í síðustu viku eins og greint var frá á vef Sameykis.