Formannaráðsfundur BSRB haldinn í Stykkishólmi

Í dag hófst formannaráðsfundur BSRB í Stykkishólmi og stendur yfir í dag og á morgun. Þar hittast formenn stéttarfélaga innan bandalagsins og ræða um kröfur stéttarfélaganna vegna komandi kjarasamninga og móta sameiginlegar kröfur bandalagsins gagnvart stjórnvöldum í aðdraganda kjarasamninga.

Formannaráð BSRB er skipað formönnum aðildarfélaga bandalagsins hverju sinni. Ráðið mótar stefnu og megináherslur BSRB í málum sem koma upp milli þinga bandalagsins og fylgir eftir framkvæmd samþykkta þingsins og annarra mála sem þingið vísar til ráðsins. Fundir ráðsins, sem haldnir eru að minnsta kosti þrisvar á ári, er einnig vettvangur samráðs aðildarfélaga bandalagsins. Formaður BSRB er jafnframt formaður ráðsins.

Eftirtalin skipa formannaráð BSRB
Arna Jakobína Björnsdóttir – Kjölur – stéttarfélag starfsmanna í almannaþjónustu
Arnar Hjálmsson – Félag íslenskra flugumferðarstjóra
Árný Erla Bjarnadóttir – FOSS – stéttarfélag í almannaþjónustu
Ástríður Sigþórsdóttir – Starfsmannafélag Suðurnesja
Edda Davíðsdóttir – Starfsmannafélag Mosfellsbæjar
Fjölnir Sæmundsson – Landssamband lögreglumanna
Guðbjörn Guðbjörnsson – Tollvarðafélags Íslands
Hafsteinn Ólason – Félag opinberra starfsmanna á Austurlandi
Hermína Hreiðarsdóttir – Starfsmannafélag Húsavíkur
Jón Ingi Cæsarsson – Póstmannafélag Íslands
Karl Rúnar Þórsson – Starfsmannafélag Hafnarfjarðar
Gunnar Hrafn Gunnarsson – Starfsmannafélag Garðabæjar
Magnús Smári Smárason – Landssamband slökkviliðs- og sjúkraflutningamanna
Marta Ólöf Jónsdóttir – Starfsmannafélag Kópavogs
Sandra Bryndísardóttir Franks – Sjúkraliðafélag Íslands
Sonja Ýr Þorbergsdóttir – Formaður BSRB
Unnar Örn Ólafsson – Félag flugmálastarfsmanna ríkisins
Unnur Sigmarsdóttir – Starfsmannafélag Vestmannaeyjabæjar
Þórarinn Eyfjörð – Sameyki stéttarfélag í almannaþjónustu
Þórveig Þormóðsdóttir – Félag starfsmanna stjórnarráðsins