Hagvaxtarauki hjá Faxaflóahöfnum, Félagsbústöðum og Strætó bs.

Sameyki vill vekur athygli á að hagvaxtarauki vegna hagvaxtar árið 2022 bætist við launatöflur 1. apríl 2023 hjá þeim aðilum sem eru með samninga til 31. september 2023, þ.e. Faxaflóahöfnum, Félagsbústöðum og Strætó bs. Hagvöxtur á árinu 2022 var 6,4% og því langt yfir þeim 3% sem hagvaxtartafla lífskjarasamningsins náði upp í. Samkvæmt því hækka grunnlaun um 13.000 kr. frá og með 1. apríl, þ.e. greiðist 1. maí þar sem starfsfólk er eftir á greitt.

Viðkomandi launatöflur verða uppfærðar á heimasíðunni í samræmi við þetta og við biðjum félagsfólk að fylgjast vel með launagreiðslum næstu mánaðarmót vegna þessa tilefnis og láta skrifstofu Sameykis vita ef hagvaxtaraukinn skilar sér ekki í næstu launagreiðslu.

Í öðrum samningum sem búið að er að samþykkja á síðustu misserum er búið að reikna hagvaxtaraukann inn í nýjar launatöflur eins og fram hefur komið bæði í samningunum sjálfum og í tilkynningum.