Reglulegir morgunverðarfundir hafnir með félagsfólki í Sameyki

Reglulegir morgunverðarfundir með félagsfólki hófust í morgun í félagamiðstöðinni að Grettisgötu 89. Gert er ráð fyrir að fundirnir verða haldnir hálfsmánaðarlega og boðað er til fundanna með slembiúrtaki úr félagaskrá Sameykis. Á fundinum í morgun fór Þórarinn yfir starfsemi félagsins; kjaramál, málefni sjóða Sameykis, orlofsmál og réttindamál. Þá var rætt um komandi kjarasamninga, styttingu vinnuvikunnar og þjónustu sem Sameykis veitir félagsfólki sínu.

Þá sagði Þórarinn Eyfjörð á fundinum í morgun að þó að trúnaðarmannaráðið fundaði reglulega, og væri stórt og öflugt, þá væri nauðsynlegt að eiga samtal við hinn almenna félagsmann og upplýsa fólk um starfsemi Sameykis.

Á fundinum kom meðal annars fram að á sumum vinnustöðum Reykjavíkuborgar væri ekki virt að starfsfólk tæki sér neysluhlé á vinnustaðnum. Þórarinn sagði að neysluhléin séu hluti af vinnutímanum og það væri mjög óeðlilegt. Stjórnendur vinnustaðanna sem í hlut eiga og ekki virða neysluhlé þyrftu að upplýsa sig um að í samningum um styttingu vinnuvikunnar eru hefðbundin neysluhlé eins og kaffitímar og hádegishlé hluti af vinnutímanum. Þá sagði Þórarinn að féalgið muni fylgja eftir þessum athugaemdum félagsfólks um neysluhléin.

Ágætlega er reifað um neysluhléin í þessari frétt hér. Eins má finna fræðslu og upplýsingar um neysluhléin í tengslum við styttingu vinnuvikunnar hér.

Félagsfólk sem óskar eftir að komast á morgunverðarfund getur sett sig í samband við Jakobínu Þórðardóttur, deildarstjóra félagsdeildar, með tölvupósti á netfangið jakobina@sameyki.is