PSI þing: Þingfulltrúar kalla eftir að þjóðarmorði á Palestínsku þjóðinni verði stöðvað

Á síðasta degi PSI þingsins fóru fram umræðum um samþykktir og ályktanir sem varða réttindi opinberra starfsmanna og starfsumhverfi þeirra. Samþykktir þingsins vernda störf og réttindi opinbers starfsfólks. Í ályktun nr. 32 (sjá í þessu skjali) kveður á um stríðshrjáð lönd þar sem opinberir starfsmenn verða fyrir ofbeldi m.a. konum sem er nauðgað og þær drepnar í störfum sínum. Talsmenn stéttarfélaga innan PSI gengu hart fram í ræðum sínum að styðja opinbert starfsfólk og almenning sem verða fyrir mannréttindabrotum sökum stríðsátaka.

Huseyn Tanriverdi frá Tyrklandi ávarpaði þingið og sagði að stöðva verði þjóðarmorð Ísraela í Palestínu.

„Ísraelar stunda þjóðarmorð á fólki í Palestínu. Síðast í gær sprengdu þeir spítala í Gazaborg og okkar stéttarfélag fordæmir slíkar árásir sem beinast gegn saklausu fólki. Árásir Ísraela eru stríðsglæpir. Við krefjumst þess að Ísraelsríki stöðvi strax þjóðarmorð á palestínsku þjóðinni og krefjumst þess að að komið verði á friði. LENGI LIFI MANNÚÐ OG LENGI LIFI PALESTÍNA,“ sagði Huseyn Tanriverdi.

Huseyn Tanriverdi.

Sven Morten Volosruo, frá Verkalýðsfélagi opinberra starfsmanna í Noregi talaði einnig með ályktun nr. 32 og sagði að þjóðarmorð eigi sér nú stað í Palestínu.

„Kæru vinir um allan heim. Bæði Hamas og Ísraelar eru sekir um morð á almennum borgurum í Palestínu. Okkar siðferðislega skylda er að hugsa fyrst og fremst um mannréttindi palestínsku þjóðarinnar. Við skulum standa saman og styðja pelestínsku þjóðina sem hefur verið fangelsuð í stærsta fanglesi á jörðinni,“ sagði Sven Morten Volosruo frá Noregi.


Sven Morten Volosruo.

Rosa Pavanelli, fráfarandi framkvæmdastjóri PSI, tók til máls varðandi umræðuna um árásina á spítalann í Gazaborg, og sagði að umræðuefni ályktanna fjalli ekki um að finna þann seka þeim árásum, heldur að álykta um þátttöku PSI í mannúðarstarfi og um mannréttindi í þessu stríði sem og öðrum stríðum. Þá sagði hún að í framhaldi verða ályktanir og samþykktir þingsins vonandi teknar upp á vettvangi Sameinuðu þjóðanna.

Rosa Pavanelli.

„Fulltrúar þingsins ættu að hafa það í huga að PSI er ekki beinn þátttakandi sem pólitískt afl í stíðsátökum þjóða. Við ályktum um öll mannréttindabrot sem framin eru á opinberu starfsfólki og við semjum samþykktir til að koma á framfræi til alþjóðasamfélagsins. Við skiljum gremju fólks. PSI harmar þessi átök milli Ísraels og Hamas og harmar að saklaust fólk, almennir borgarar og opinbert starfsfólk er drepið í stríðsátökum. PSI hvetur alþjóðasamfélagið að grípa inn í og stöðva þetta hryllilega stríð,“ sagði Rosa Pavanelli á þinginu.

Þá fordæmir PSI og alþjóðlega verkalýðshreyfingin innrás Rússa í Úkraínu og hernámi Rússlands á úkraínskum landsvæðum eftir 24. febrúar 2022. Hernám Rússa, stríðsglæpir og glæpir gegn mannkyni eru framdir af rússneska hernum og áframhaldandi sprengjuárásir á almenna borgara og nauðsynlega innviði eins og orkufyrirtæki og ríkisstofnanir í Úkraínu hafa valdið víðtækum skaða segir í ályktun nr. 47.

1147 árásir hafa verið gerðar á opinbera heilbrigðisþjónustu frá því í febrúar 2022. Stríðið hefur valdið miklu umhverfisspjöllum, m.a sprenging rússneskra hersveita á Kakhova vatnsaflsvirkjunina og námuvinnslu á stórum hluta hernumdu svæðanna. Hernám Rússa á Zaporizhzhia kjarnorkuverið eykur hættuna á kjarnorkuhamförum sem mun hafa alvarlegar afleiðingar í för með sér langt umfram landamæri Úkraínu. Rússneska innrásin í Úkraínu mun einngi hafa langtíma skaðlegar efnahagslegar afleiðingar fyrir landið og hefur nú þegar stuðlað að alþjóðlegri matvæla- og orkukreppu með hækkandi verði og mikilli verðbólgu í kjölfarið.

Um 5 milljónir manna eru á vergangi innanlands í Úkraínu og 8 milljónir utan landsins. Mörg þúsund óbreyttra borgara og opinberra starfsmanna hafa verið drepnir í Úkraínu og milljónir hafa misst vinnuna í Úkraínu síðan innrás rússa hófst.

Að loknum umræðum, samþykktum og kveðjum frá nýjum forseta PSI, Britta Lejon, var þingi slitið kl. 16:30 í dag.

Britta Lejon þakkar Rosa Pavanellli fyrir hennar störf sem framkvæmdastjóri PSI frá árinu 2012.