Kosningafundur Kvennaár 2025 í Iðnó í dag

Kvennaár 2025 boðar til kosningafundar um kröfur Kvennaársins með forystufólki stjórnmálaflokka í hádeginu í dag 19. nóvember kl. 12:00-13:30 í Iðnó. Þrátt fyrir þrotlausa baráttu kvenna í meira en heila öld búa konur á Íslandi enn við misrétti og ofbeldi og Ísland á langt í land þar til fullu jafnrétti er náð. Framkvæmdastjórn Kvennaárs 2025 hefur lagt fram kröfur um lagabreytingar og aðgerðir í þremur flokkum um launajafnrétti, ólaunaða vinnu og kynbundið ofbeldi sem sjá má á kvennaar.is.

Aðstandendur Kvennaárs 2025 eru á fjórða tug samtaka femínista, kvenna, launafólks, fatlaðs fólks og hinsegin fólks.

Fundastjórar: Kristín Ástgeirsdóttir, fv. alþingiskona og Ragnheiður Davíðsdóttir, varaformaður Kvenréttindafélags Íslands.

Í pallborði sitja:
Þórhildur Sunna Ævarsdóttir, Pírötum
Sanna Magdalena Mörtudóttir, Sósíalistum
Svandís Svavarsdóttir, VG
Arnar Þór Jónsson, Lýðræðisflokknum
Þorbjörg Sigríður Gunnlaugsdóttir, Viðreisn
Þórunn Sveinbjarnardóttir, Samfylkingu
Þórdís Kolbrún Reykfjörð Gylfadóttir, Sjálfstæðisflokki
Lilja Dögg Alfreðsdóttir, Framsóknarflokki
Nannu Margrét Gunnlaugsdóttir, Miðflokki
Kolbrún Baldursdóttir, Flokki fólksins

Sjá viðburðinn á Facebook hér.