Mat á ímynd er fengið með þremur spurningum, t.d. hvort starfsfólk telji viðskiptavini hafa jákvæða afstöðu til stofnunarinnar. Mat Sameykisfélaga á ímynd sinnar stofnunar er heldur neikvæðara en þeirra sem standa utan Sameykis. Mat starfsfólks á ímynd er jákvæðast hjá sveitarfélögunum en neikvæðast hjá ríkisstofnunum. Elsti svarendahópurinn hefur jákvæðasta mynd af ímynd síns vinnustaðar af aldurshópunum. Af ólíkum starfsstéttum hefur sölu- og afgreiðslufólk jákvæðasta mynd af vinnustaðnum og starfsfólk lítilla stofnana hefur jákvæðari mynd af vinnustaðnum en starfsfólk stærri stofnana.
Mynd 15: Mat Sameykisfélaga - starfsfólks sveitarfélaga og fyrirtækja borgarinnar - á ímynd sinna vinnustaða (byggt á tæplega 1300 svörum). Meðaleinkunn tekur gildi frá 1 (lægst) til 5 (hæst).
Til samanburðar má svo sjá hér mat Sameykisfélaga hjá ríki og sjálfseignarstofnunum á ímynd sinnar stofnunar. Í fyrra var besta útkoma á ímyndarþættinum sem náðst hefur en lækkar lítið eitt í ár frá því í fyrra.
Mynd 16: Mat Sameykisfélaga – starfsfólk ríkis og sjálfseignarstofnana (byggt á tæplega 2300 svörum). Meðaleinkunn tekur gildi frá 1 (lægst)
til 5 (hæst).
Eftir neikvæða breytingu í fyrra á mati félagsmanna Sameykis sem starfa hjá borginni, sveitarfélögum og fyrirtækjum borgarinnar, hækkar mat á ímynd verulega og hefur hún aldrei mælst hærri.“