Helstu niðurstöður
Stofnanir ársins eru þrjár: Fjölbrautaskóli Suðurnesja er sigurvegari í flokki stórra stofnana. Menntaskólinn á Egilsstöðum er sigurvegari í flokki meðalstórra stofnana og Framhaldsskólinn í Vestmannaeyjum bar sigur úr býtum í flokki minni stofnananna.
Val á stofnun ársins fer þannig fram að valin er stofnun með hæstu heildareinkunn sem uppfyllir þátttökuskilyrði úr þremur stærðarflokkum og bera þessar þrjár stofnanir heitið „Stofnun ársins“. Stærðarflokkarnir eru; stofnanir með færri en 40 starfsmenn, stofnanir með 40-89 starfsmenn og stofnanir með 90 eða fleiri starfsmenn.
Fyrirmyndarstofnanir
Í hverjum stærðarflokki hljóta efstu fimm stofnanirnar sæmdarheitið Fyrirmyndarstofnanir. Framhaldsskólarnir eru áberandi í efstu sætum á lista stórra stofnana. Fjölbrautaskóli Suðurnesja er sigurvegari stórra stofnana en hann var í þriðja sæti stórra stofnana í fyrra. Vínbúðin er í öðru sæti stórra stofnana, en hún vermdi fimmta sætið í fyrra. Í þriðja sæti er Fjölbrautarskólinn við Ármúla en hann var í sjöunda sæti í fyrra. Fjármála- og efnahagsráðuneytið vermir fjórða sæti listans en ráðuneytið var í öðru sæti í fyrra þegar það tók stórt stökk miðað við árið þar áður. Menntaskólinn í Hamrahlíð er í fimmta sæti listans en hann var í fjórða sæti í fyrra. Margar þessara stofnana hafa verið ofarlega á lista árum saman.
Fyrirmyndarstofnanir (90 starfsmenn og fleiri)
1. Fjölbrautaskóli Suðurnesja
2. Vínbúðin - Áfengis- og tóbaksverslun ríkisins
3. Fjölbrautskólinn við Ármúla
4. Fjármála- og efnahagsráðuneytið
5. Menntaskólinn við Hamrahlíð
Í flokki meðalstórra stofnana er sigurvegarinn Menntaskólinn á Egilsstöðum líkt og í fyrra. Í öðru sæti er Þjóðskrá, en Þjóðskrá tekur risastökk frá síðustu mælingu. Í þriðja sæti er Náttúrufræðistofnununin. Náttúrufræðistofnununin var í 8. sæti í fyrra. Í fjórða sæti er Ríkisendurskoðun, en hún var í öðru sæti í fyrra. Í fimmta sæti er svo Fjölbrautaskóli Norðurlands vestra sem var í fjórða sæti í fyrra.
Fyrirmyndarstofnanir (40-89 starfsmenn)
1. Menntaskólinn á Egilsstöðum
2. Þjóðskrá Íslands
3. Náttúrufræðistofnun Íslands
4. Ríkisendurskoðun
5. Fjölbrautaskóli Norðulands vestra
Í flokki minnstu stofnananna er sigurvegarinn Framhaldsskólinn í Vestmannaeyjum sem vermdi annað sætið í fyrra. Menntaskólinn á Tröllaskaga vermir annað sætið, en hann var í þriðja sæti í fyrra. Báðir skólarnir hafa verið ofarlega á lista árum saman. Í þriðja sæti er svo Jafnréttisstofa sem var sigurvegari þessa stærðarflokks í fyrra. Geislavarnir ríkisins er í fjórða sæti í ár, eins og í fyrra. Í fimmta sætinu er svo Kvikmyndasafn Íslands. Kvikmyndasafnið var í 9. sæti í fyrra.
Fyrirmyndarstofnanir (færri en 40 starfsmenn)
1. Framhaldsskólinn í Vestmannaeyjum
2. Menntaskólinn á Tröllaskaga
3. Jafnréttisstofa
4. Geislavarnir ríkisins
5. Kvikmyndasafn Íslands
Hástökkvari ríkisstofnana
Hástökkvari ríkisstofnana er Menntaskólinn á Ísafirði.Við útreikning á hástökkvurum er fyrst reiknuð raðeinkunn fyrir allar stofnanir á bilinu 1-100 og svo er reiknaður munur á raðeinkunn milli ára. Menntaskólinn á Ísafirði stekkur hæst allra, eða um 64 sæti. Þá er átt við sæti á raðeinkunninni.
Hér má nálgast heildarlista fyrir stofnanir ríkisins.
Sameyki óskar starfsfólki og stjórnendum þessara stofnana innilega til hamingju með þennan glæsilega árangur og óskar þeim alls hins besta í framtíðinni.