Katla félagsmannasjóður
Er fyrir þá sem starfa hjá Akraneskaupstað, Hjallastefnu, Höfða hjúkrunar og dvalarheimili, Innheimtustofnun sveitarfélaga, Seltjarnarnesbæ, Skálatúni og sveitarfélögum hringinn í kringum landið og sjálfseignarstofnunum sem eru með ákvæði um Félagsmannasjóð í kjarasamningi. Að undanskildu því félagsfólki sem greitt er af í Vísindasjóð.
Katla er sjóður aðildarfélaga BSRB sem eiga aðild að kjarasamningum við Samband íslenskra sveitarfélaga.
Hlutverk sjóðsins er að auka tækifæri sjóðsfélaga til starfsþróunar, m.a. með því að sækja sér fræðslu og endurmenntun og með því að sækja ráðstefnur, þing og námskeið til þess að þróa sína starfshæfni.
Félagsfólk sækir um á rafrænni umsóknarsíðu sjóðsins og leggja fram viðeigandi upplýsingar svo sem síðasta launaseðil viðmiðunarárs, starfshlutfall og starfstíma viðkomandi árs sem sótt er um. Þeir sem hafa fengið styrki fyrr á samningstíma úr sjóðnum þurfa ekki að endurnýja sína umsókn. Unnið verður með eldri umsóknir.
Greiðslur úr Félagsmannasjóði Kötlu vegna starfa á árinu 2023
Fyrsta útgreiðsla sjóðsins á árinu 2024, vegna félaga sem voru í starfi árið 2023 verður í febrúar.
Hámarks styrkur vegna starfs ársins 2023 er 110.000. kr.- á sjóðsfélaga miðað við fullt starf allt árið. Útgreiðsla úr sjóðnum miðast við starfshlutfall og starfstíma viðmiðunarársins sem er starfsárið.
Við hvetjum því alla sem voru í starfi árið 2023 sem enn hafa ekki skráð bankareikningsnúmer að gera það sem allra fyrst, svo þeir nái febrúar útborgun.
Nánari upplýsingar á katla.bsrb.is
Sótt er um styrk í gegnum Mínar síður Kötlu