Reglur Sameykis um ferða- og dvalarkostnað trúnaðarmanna vegna trúnaðarmannafunda og trúnaðarmannafræðslu.
Trúnaðarmenn, sem sækja fundi á vegum Sameykis og eru ekki búsettir á Reykjavíkursvæðinu, skulu fá greiddan ferða- og dvalarkostnað samkvæmt eftirfarandi reglum:
- Trúnaðarmenn skulu ferðast með eins ódýrum hætti og mögulegt er.
- Trúnaðarmenn skulu fá greitt andvirði flugfargjalds, þar sem hægt er að nota flugsamgöngur. Annað hvort skal nýta flugkort Sameykis og panta flug í gegnum skrifstofu Sameykis eða þá að trúnaðarmaður bókar sjálfur ódýrt flug á netinu og fær endurgreitt.
- Þar sem ekki eru flugsamgöngur skulu greiðslur vera 60% af kílómetragjaldi (+vegatollar).
- Í þeim tilvikum sem trúnaðarmaður getur ekki ferðast fram og til baka samdægurs, skal félagið sjá honum fyrir gistingu. Tilkynna ber félaginu með a.m.k. 4 daga fyrirvara ef gistingar er þörf.
- Ef trúnaðarmenn þurfa að dvelja lengur en fundadag(a) í Reykjavík, skal félagið sjá þeim fyrir fæði eða greiða þeim fæðiskostnað sem er kr. 2.000.- í hálfan dag og kr. 4.000.- í heilan dag.
- Ef þörf krefur greiðir félagið leigubílakostnað samkvæmt kvittun til og frá flugvelli í Reykjavík eða andvirði þess.
- Í þeim tilvikum sem ofanritaðar reglur ná ekki til, skal samið sérstaklega fyrirfram um greiðslur við skrifstofu Sameykis.