Símenntunarsjóður Lífeyrisdeildar
Símenntunarsjóður lífeyrisdeildar Sameykis er ætlaður þeim sem skráðir eru í Lífeyrisdeild Sameykis þegar námskeið eða nám hefst.
Úthlutað er úr sjóðnum tvisvar á ári, 15. maí og 15. nóvember. Allar umsóknir sem berast fyrir 10. maí og 10. nóvember eru teknar til afgreiðslu.
Sjóðfélagi getur aldrei fengið meira en 32 þúsund kr. yfir almanaksárið. Greiðslur geta þó orðið lægri ef umsóknir eru margar. Ekki er greitt fyrir námskeið meira en ár aftur í tímann.
Lögð er áhersla á að umsækjendur stundi nám við viðurkenndar stofnanir.
Greiðslur styrkja fara aðeins fram gegn framvísun kvittana með kennitölu námskeiðshaldara, sem hengja má við umsókn, senda á skrifstofu Sameykis, Grettisgötu 89, 105 Reykjavík og merkja Símenntunarsjóður Lífeyrisdeildar Sameykis eða senda í tölvupósti á jakobina@sameyki.is
Hægt er að fá úthlutað tvisvar á hverju almanaksári en þó einungis einu sinni á hvorri önn (vor / haust).
Allt almennt nám sem styrkir einstaklinga í símenntun sinni er styrkhæft. Ekki eru veittir styrkir, sem teljast til íþrótta, líkamlegra og andlegrar iðkunar. Þá eru eru ekki veittir styrkir fyrir árgjöld í félögum, svo sem taflfélögum, ferðafélögum, kórfélögum og öðrum tómstundafélögum.
Stjórn Lífeyrisdeildar Sameykis áskilur sér rétt til breytinga á reglum þessum án fyrirvara.
VINSAMLEGAST FYLLIÐ ÚT UMSÓKN: