Fagfélög – Sameyki

Flýtileiðir

Fagfélög innan Sameykis

Samkvæmt lögum Sameykis 10. kafla / 27. gr. er heimilt að stofna sérstakar deildir innan Sameykis með þeim sem vinna skyld og samskonar störf eða störf sem krefjast hliðstæðrar menntunar.

Hlutverk og reglur um fagfélög innan Sameykis

Reglur fyrir deildir þessar öðlast ekki gildi fyrr en félagsstjórn hefur staðfest þær. Hver slíkra deilda hefur rétt til að velja fyrir sína hönd tvo áheyrnarfulltrúa í trúnaðarmannaráð.

Að vinna að því að hver félagi sem til þess hefur rétt sé meðlimur í deildinni.
Að fylgjast með því að samningar séu haldnir og réttindi starfsfólks í heiðri höfð og reyna að leysa þau ágreiningsmál sem upp kunna að koma og bundin eru við deildarfólk.
Að veita félagsstjórn aðstoð við söfnun gagna og upplýsinga og annað er hún kann að óska eftir.
Að efla gagnkvæman skilning og einingu og stuðla að fræðslu- og menningarstarfi innan vébanda deildarinnar.