Fréttir og greinar

03. janúar 2022

Kræktu þér í Veiðikortið

Veiðikortið er fáanlegt á orlofsvef Sameykis með góðum afslætti og við sendum það heim til félaga sem þess óska. Kortið veitir aðgang að fjölda skemmtilegra veiðivatna um land allt og börn yngri en 14 ára veiða frítt í fylgd korthafa.

30. desember 2021

Horft um öxl

Rétt er líta aðeins yfir farinn veg hjá Sameyki stéttarfélagi í almannaþjónustu á þessu ári. Félagið kaus sér nýja stjórn, formann og varaformann á árinu og Árni Stefán Jónsson hætti sem formaður auk þess sem Garðar Hilmarsson, varaformaður Sameykis hætti störfum. Stytting vinnuvikunnar tók mikinn tíma og krafta. Faraldurinn setti strik í reikninginn og krafðist nýrrar nálgunar við félagsfólk. Miðlun upplýsinga var aukin, tímarit Sameykis kom út í nýjum búningi og áherslum og efni blaðsins breytt. Nú lítum við um öxl og stiklum á stóru yfir árið sem er nú senn á enda runnið.

27. desember 2021

Vendipunktar líðandi árs

Þórarinn Eyfjörð, formaður Sameykis segir í skoðanagrein sinni sem birtist á Kjarnanum að Samtök atvinnulífsins halda úti áróðri gegn velferðarkerfinu og opinberum starfsmönnum.

25. desember 2021

Ljós og skuggar líðandi árs

Sam­eyki stétt­ar­fé­lag í almanna­þjón­ustu er stærsta stétt­ar­fé­lag opin­berra starfs­manna á Íslandi með um 12 þús­und félags­menn þannig að fjöl­margt ger­ist á vinnu­mark­aði sem snertir svo stóran hóp. Af mörgu er að taka og ætla ég að minn­ast hér á nokkur atrið­i.

22. desember 2021

B eða ekki B: Lífeyrir og hið opinbera

Lífeyriskerfi opinberra starfsmanna á sér langa sögu og er mun eldra að stofni til en kerfið á almenna vinnumarkaðinum. LSR er rétt ríflega 100 ára, stofnaður í nóvember 1919. Hann hét í fyrstu Lífeyrissjóður embættismanna og eins og nafnið gefur til kynna þjónaði hann þá eingöngu þeim sem töldust embættismenn, þ.e. æðstu stjórnendum ríkisins. Þeir höfðu raunar haft nokkur eftirlaunaréttindi áður sem þá voru greidd beint úr ríkissjóði. Ekkjur embættismanna höfðu einnig rétt á lífeyri. Lífeyriskerfi opinberra starfsmanna var síðan víkkað út fyrir sífellt fleiri og 1944 var nafninu breytt í Lífeyrissjóð starfsmanna ríkisins, LSR. Starfsmenn sveitarfélaga voru þá einnig margir hverjir komnir með einhver réttindi sem voru nokkuð misjöfn eftir sveitarfélögum.

21. desember 2021

Hátíðarkveðja frá Sameyki

Sameyki óskar þér og þínum gleðilegra jóla og farsældar á komandi ári og þakkar samstarfið og samskiptin við félagsmenn á öllu landinu á árinu sem er að líða. Skrifstofan verður opin alla virka daga um hátíðarnar en við hvetjum alla sem eiga erindi á skrifstofuna að gæta að sóttvarnarreglum, spritta hendur og nota grímur.

20. desember 2021

Fjöldi opinberra starfsmanna haldist svipaður

Fjöldi opinberra starfsmanna hefur verið svipaður sem hlutfall af landsmönnum síðustu ár. Fjöldi opinberra starfsmanna hefur haldist í hendur við fjölgun þjóðarinnar undanfarin ár og er hlutfallslega svipaður nú og hann hefur verið rúman áratug samkvæmt tölum frá Hagstofu Íslands.

20. desember 2021

Ertu giggari?

Giggari er það sem kallað er verktakar eða gerviverktakar. Hugtakið er gamalt og vinnufyrirkomulagið er mjög þekkt hér á landi sem og annars staðar í veröldinni. Því hefur verið haldið fram að verktakar, þ.e. þeir einstaklingar sem sinna verkefnum hjá ríkisstofnunum og sveitarfélögum án þess að vera á launaskrá njóti kjara og frelsis framyfir venjulegt launafólk en þegar betur er að gáð er það alls ekki raunin.

20. desember 2021

Trúnaðarmenn þurfa að vera á tánum

Þegar mér barst sú tilnefning að gerast varatrúnaðarmaður Íslenska dansflokksins ákvað ég að ríða á vaðið. Ákvörðun mín um að taka við þessari ábyrgð var því ekki vegna þess að ég hefði einhvern sérstakan áhuga á kjaramálum og stéttarfélögum. Á þeim tíma var ég býsna ólæs á allt stofnanamál og hafði í rauninni ekki hugmynd um hver mín réttindi væru, hvar stéttarbaráttan stæði né hvers konar stuðning og þjónustu stéttarfélagið hefði upp á að bjóða. Þetta var því kjörið tækifæri til þess að kynna mér málin og læra. Það sem ég hafði upp á að bjóða var að vera ágætur í mannlegum samskiptum, sem ég tel vera mikilvægasta eiginleika trúnaðarmannsins sem og hlustun, traust og næmni.

16. desember 2021

Orlofshús á Spáni opið til umsókna fyrir félagsmenn

Sameyki hefur opnað fyrir umsóknir orlofsíbúða á Spáni. Um er að ræða þrjá orlofskosti á til útleigu fyrir félagsmenn. Tvær íbúðir sem eru í fjölbýlishúsi sem er íbúð á efstu hæð annars vegar og hins vegar íbúð á fyrstu hæð í Los Arenales del Sol. Íbúðahúsið er við ströndina og er aðgengi að sameiginlegum sundlaugagarði. Einnig eru þar leiktæki fyrir börn og fullorðna ásamt tennisvelli. Þriðji kosturinn er parhús á þremur hæðum í lokuðum byggðarkjarna með sundlaugagarði í Samara Quesada.