Fréttir og greinar

30. maí 2013

Breyting á stofnanasamningi SFR og Landspítala

Haldnir voru félagsfundir SFR í gær á Landspítalanum, bæði í Fossvogi og á Hringbraut. Á fundunum var farið yfir leiðréttingar á stofnanasamningi félagsins sem koma til framkvæmda nú um mánaðarmótin og byggðar eru á grunni jafnlaunaátaks ríkistjórnarinnar. Hér má sjá Stofnanasamninginn og nýjan viðauka með launaröðun.

29. maí 2013

Stofnun ársins 2013 - myndir

DJmvBJ9hDZFUhgayhu63vohfPR97NcqFfTWPZidIz0g gA0Jd0pDBGJO65qTUdR_PQ6w1gS1VFrYtcN_iL4AjT4 PdlvisIJGX0lDFkD4pbAzfb_6_l1goRlV0ktH3t15BA

Niðurstöður úr könnuninni um Stofnun ársins 2013 voru kynntar á Hilton Reykjavík Nordica hótelin síðast liðinn föstudag. Þar var að vonum mikið um dýrðir og gleði í loftinu. Hér má skoða myndir frá athöfninni.

28. maí 2013

Fundur um breytingu á stofnanasamningi SFR og LSH

SFR stéttarfélag í almannaþjónustu boðar félagsmann sína sem starfa hjá LSH á fund til að kynna breytingu á stofnanasamningi SFR og LSH sem gengið var frá í samstarfsnefnd í síðustu viku. Launabreytingin er á grunni jafnlaunaátaks ríkisstjórnarinnar. Félagsmenn eru hvattir til að mæta.

27. maí 2013

Vinnuferð í Vaðnes

Nokkrir vaskir fulltrúar SFR eyddu helginni í orlofshúsum félagsins í Vaðnesi. Tilgangurinn var samt ekki að liggja og slaka á heldur voru brettar upp ermar og svæðið hreinsað og fíniserað. Orlofshúsasvæðið var ruslhreinsað, stígar og gangstéttar hreinsaðar, greinar og tré klippt og fleira gert utan húss. Auk þess sem bætt var í húsbúnað þar sem það þurfti. Húsin og svæðið er hið vistlegasta og vonandi munu gestir njóta verkanna á næstunni.

27. maí 2013

Stofnanasamningar krufðir

Í morgun hittust fulltrúar SFR úr hópi trúnaðarmanna og samninganefnda, starfsfólk fjármálaráðuneytis og ásamt nokkrum forstöðumönnum og starfsmanna- og mannauðsstjórum ríkisstofnastofnana til að ræða stofnanasamningsgerð.

24. maí 2013

Sigurvegarar í Stofnun ársins - myndir

Sigurvegarar í Stofnun ársins voru Sérstakur saksóknari í flokki stórra stofnana, Landmælingar í flokki meðalstórra stofnana og Sýslumaðurinn á Siglufirði í flokki lítilla stofnana.

24. maí 2013

Stofnun ársins 2013

SFR-Stofnin-arsins-2013 SFR-Fyrirmyndarstofnun-2013 Niðurstöður úr könnuninni Stofnun ársins 2013 voru kynntar nú fyrir stundu á Hilton Reykjavík Nordica Hótel að viðstöddu fjölmenni. Stofnanir ársins eru þrjár eins og áður, hver í sínum stærðarflokki. Sérstakur saksóknari er sigurvegari þriðja árið í röð í flokki stórra stofnana með fleiri en 50 starfsmenn. Landmælingar er stofnun ársins í flokki meðalstórra stofnana þar sem starfsmenn eru 20-49 talsins og er þetta annað árið sem Landmælingar sigra í sínum flokki. Í flokki stofnana þar sem starfsmenn eru færri en 20 bar Sýslumaðurinn á Siglufirði sigur út býtum.

24. maí 2013

Sigurvegarar í Stofnun ársins tilkynntir síðar í dag

Sigurvegarar í Stofnun ársins 2013 verða tilkynntir síðar í dag við hátíðlega athöfn. Þá mun einnig verða opnað fyrir niðurstöður könnunarinnar hér á vefnum undir hnappnum Kannanir. Mikil eftirvænting ríkir um valið og hafa fulltrúar þeirra stofnana sem þátt tóku verið boðaðir til verðlaunaafhendingarinnar. Þar verður væntanlega mikil stemmning en Starfsmannafélag Reykjavíkurborgar mun þar einnig kynna Stofnun ársins - Borg og bær og VR kynnir Fyrirtæki ársins 2013.

23. maí 2013

Vinningshafar í happdrættinu

Þátttakendur í könnuninni Stofnun ársins eru jafnframt þátttakendur í happdrætti. Þeir sem svöruðu könnuninni áttu þannig möguleika á glæsilegum vinningi. Úr innsendum svörum voru dregnir út sex vinningar og eru vinningshafar sem hér segir: Kristinn G. Garðarsson og Ásdís Sigurðardóttir (gjafabréf frá Icelandair að verðmæti 60 þús. kr.), Eva Rós Sveinsdóttir og Torfhildur R. Gunnarsdóttir (tveir miðar á tónlistarhátíðina Airwaves), Þóra Sólveig Jónsdóttir og Páll Mortensen (helgardvöl í orlofshúsi SFR).

23. maí 2013

Stofnun ársins valin í lok vikunnar

Tilkynnt verður um hvaða stofnanir hljóta nafnbótina Stofnun ársins 2013 og Fyrirmyndarstofnanir á föstudaginn kemur. Fulltrúum stofnana hefur verið boðið til hátíðlegar athafnar þar sem tilkynnt verður um úrslitin úr könnuninni og viðurkenningar veittar. Þetta er í áttunda sinn sem SFR tekur þátt í könnuninni, en hún er unnin af Capacent í samstarfi við VR, St.Rv. og fjármálaráðuneytið.