Sameyki Logo
24. mars 2020
Kjarasamningur við Reykjavíkurborg samþykktur
Kjarasamingur Sameykis við Reykjavíkurborg var samþykktur með 80,5% greiddra atkvæða. Kosningaþátttaka var rétt tæplega 35% og já sögðu 80,5%, nei sögðu 15,45% og 4,45% tóku ekki afstöðu.
Tilboð óskast í sumarhús til brottflutnings - Akrakot
Til sölu er orlofshús til brottflutnings. Húsið er Í Reykjaskógi í Biskupstungum og er svokallað A-hús með lágum veggjum á langhlið og bröttu þaki. Húsið stendur á steyptum súlum og er byggt árið 1982. Það er er 58 fm að gólffleti, við það á palli stendur skýli sem er 8,5 fm. Húsið skiptist í stofu, borðstofu og eldhús í sama rými. Þá eru tvö svefnherbergi í húsinu ásamt svefnlofti yfir herbergjum. Hluti af húsi er viðbygging en í henni er bað og forstofa. Húsið skal fjarlægt í síðasta lagi 30. apríl næstkomandi og skal kaupandi gera það á sinn kostnað.
23. mars 2020
Orlofshús ekki leigð út fyrir sóttkví
Í ljósi aðstæðna vegna COVID-19 sýkingar þá skal tekið fram að orlofshús og íbúðir félagsins eru ekki til leigu fyrir sóttkví.
Kjarasamningur við Sambandið samþykktur
Kjarasamningur Sameykis og Sambands íslenskra sveitarfélaga var samþykktur með miklum meirihluta. Atkvæðagreiðslunni lauk nú í morgun og var þátttaka 43%. Niðurstöður fóru á þann veg að já sögðu 77,99%, nei sögðu 20,75%. 1,26% tóku ekki afstöðu.
Aðalfundi Sameykis frestað
Aðalfundi Sameykis sem vera átti þann 31. mars næstkomandi verður frestað um óákveðinn tíma samkvæmt ákvörðun stjórnar Sameykis. Ástæðan er samkomubann og hið erfiða ástand vegna Covid-19 veirunnar sem nú herjar á okkur. Nýr aðalfundur verður haldinn um leið og hægt er og verður þá að sjálfsögðu auglýstur með lögformlegum leiðum.
19. mars 2020
Foreldrar fái greiðslur vegna skerðinga á skólastarfi
Í frétt á vef BSRB kemur fram að BSRB kallar eftir því að foreldrar barna sem þurfa að vera frá vinnu vegna skerðinga á skólastarfi eða vegna þess að barn viðkomandi sé í sóttkví fái rétt til tímabundinna greiðslna frá ríkinu rétt eins og fólk sem þarf að vera í sóttkví, í umsögn sem send hefur verið Alþingi.
Atkvæðagreiðsla um kjarasamninga
Nú stendur yfir rafræn atkvæðagreiðsla inni á Mínum síðum um kjarasamninga.
18. mars 2020
Kynningarefnið á vefnum
Hér á vefnum má finna ítarlegar upplýsingar um þá kjarasamninga sem voru undirritaðir 9. mars sl. Atkvæðagreiðsla á samningi sveitarfélagsstarfsmanna gerður við Samband íslenskra sveitarfélaga er þegar komin í atkvæðagreiðslu, en atkvæðagreiðsla um samning Sameykis við Reykjavíkurborg hefst á morgun fimmtudaginn 19. mars kl. 9 og atkvæðagreiðsla um kjarasamning ríkisstarfsmanna Sameykis hefst miðvikudaginn 25. mars kl. 9
Kynning á kjarasamningi við ríkið
Kynningarfundir fyrir félagsmenn sem starfa hjá ríkinu og taka laun samkvæmt kjarasamningi við Fjármála- og efnahagsráðherra f.h. ríkissjóðs verður 18. mars kl. 16 og 19. mars kl. 9.
17. mars 2020
Kynning á kjarasamningi Sambands íslenskra sveitarfélaga og Sameykis
Kynningarfundur fyrir félagsmenn sem starfa hjá sveitarfélögum hringinn í kringum landið og taka laun samkvæmt kjarasamningi við Samband íslenskra sveitarfélaga verður 17. mars kl. 16:30. Vegna COVID-19 eru fundirnir sendir út í gegnum Zoom fjarfundakerfi
